parlons CH'TI   ¤ Ch'est du tans dech bon diu, més cha n'est pon d'sin pu biau !
c'est du temps du bon dieu, mais ce n'est pas son meilleur ! |
|  ¤ I vaut miu un ptit avoèr qu'un grand espoèr !
il vaut mieux un petit avoir qu'un grand espoir |
| ¤ |  In voét bin quant j'a bu, pon quant j'a soé !
On voit bien quand j'ai bu, pas quand j'ai soif ! |
| ¤ |  | chti qu'i va à l'ducasse, i pierd es plache
celui qui va à la ducasse, il perd sa place
= qui va à la chasse perd sa place |
| |
|  | |  | | Le ptit quinquin d'Alexandre Desrousseaux |  | Dors, min ptit kinkin, Min ptit pouchin,
min gros rogin !
te m'fras du chagrin si te n'dors poin chqu'à dmain.
Ainsi l'aute jour unne pauve dintelière,
In amiclotant sin ptit garchon
Qu'i, dpui tros carts d'eure, ene faijot qu'brère,
Tachot d'l'indormir par unne canchon.
Ele li dijot : Min Narcisse,
Dmain t'aras du pain d'épice, du chuke à gogo
Si t'es sache et qu'te fais dodo..
Dors, min ptit kinkin...
Et si te m'laiches faire unne bonne semainne,
J'ira dégager tin biau sarau,
Tin patalon d'drap, tin gilliet d'lainne,
comme un ptit milord te sras faraud !
J't'acatrai, l'jour del ducasse,
un porichinel cocasse, un turlututu
pour juer l'air du capiau-pointu.
Dors, min ptit kinkin...
Nous irons din l'courJannète-as-vakes
Vir les marionnètes.Conme te riras,
Quant t'intindras dire , "Un doupe pou Jake!"
Pa l'porichinel qu'i parle maga.
Te li métras din s'menote, au lieu d'doupe, un rond d'carote !
I t'dira merci, pinse conme nous arons du plaisi !
Dors, min ptit kinkin...
Et si par asard sin maite i s'fache,
ch'est alor, narcisse, que nous rirons
San nn'avoir invie, j'prindrai mn'air mache,
J'li dirai sin nom et ses sournoms !
j'li dirai des fariboles, I m'in répondra des droles, infin, un chacun véra deus pestakes au lieu d'un...
Dors, min ptit kinkin...
Alor, sère tes ieus, dors, min bononme,
j'va dire unne prière à Ptit-Jésus
pour qu'i vyinne ichi, pindan tin somme,
t'faire réver qu' j'ai les mains plainnes d'écus!
Pour qu'i t'aporte unne cokile avec du chiro qu'i guile tout l'long d'tin minton,
te t'pourlèkras tros eures de long !
dors, min ptit kinkin...
L'mos qu'i vyint, d'Saint-Nicola ch'est l'fiète,
pour sûr, au soir, i vyindra t'trouver.
I t'fra un sermonet t'laichra mète in-dzou du balo un grand painnié...
I l'rimplira, si t'es sache, d'séquois qu'is t'rindront bénache,
san cha, sin baudet t'invoira un grand martinet.
Dors min ptit kinkin...
Ni les marionnètes, ni l'pain d'épice,
n'ont produit d'éfet, mais l'martinet
a vite rapagé l'petit Narcisse
Qu'i crainiot d'vir ariver l'baudet.
Il a dit s'canchon dormoire, s'mère l'a mis din sn'ochinnoire, a rpris sin coussin
et répété vint fos che rfrain :
Dors, min ptit kinkin....
|
| |  | |  |
|
